Մեր նպատակն է ստեղծել արվեստի, գիտության և տեխնոլոգիայի խաչմերուկում գործող համայնքահեն հարթակ, որը խթանում է միջդիսցիպլինար համագործակցությունը, քննադատական մտածողությունն ու ստեղծարար փորձարկումները՝ էկոլոգիական պատասխանատվության, ինքնաբավ ապագաների և բաց գիտելիքի տարածման շրջանակներում։

Մենք ձգտում ենք ձևավորել ուսուցման, նորարարության և պատասխանատու ստեղծագործության միջավայր՝ առաջարկելով աշխատարաններ, հետազոտական հնարավորություններ ու հանրային միջոցառումներ: Մեր մտադրությունն է խթանել STEAM / ԳՏՃԱՄ (գիտություն, տեխնոլոգիա, ճարտարագիտություն, արվեստ, մաթեմատիկա) կրթությունը, աջակցել տեխնոլոգիայի էթիկական զարգացմանը և նպաստել էկոլոգիական գիտակցության ձևավորմանը։

Հավատարիմ մնալով FLOSS (Free / Libre Open Source Software) և բաց էթիկայի սկզբունքներին՝ մեր նպատակն է պաշտպանել բաց գիտելիքը, ապահովել թափանցիկ հետազոտական մեթոդաբանություններ և զարգացնել հասանելի տեխնոլոգիական լուծումներ։ Մենք ձգտում ենք խրախուսել համատեղ նորարարություն ու կոլեկտիվ ստեղծագործություն՝ կիրառելով բաց կոդով գործիքներ և ապակենտրոնացված ցանցեր։ Մեր ցուցահանդեսների, ռեզիդենցիաների և համայնքային նախաձեռնությունների միջոցով ցանկանում ենք ստեղծել միջավայր, որտեղ գիտելիքը ազատորեն փոխանակվում է, իսկ տեխնոլոգիան ծառայում է հանրային բարիքին։