Արս Տեխնեն x Ստուդիո 20 կոլեկտիվը փետրվարի 21-ին, ժամը 16:00-ին անցկացրեցին մեդիա արվեստագետ և «բջիջ» ցուցասրահի համադրող Սվետլանա Սիդորովայի հետ հանդիպում-զրույցը։

Սանկտ Պետերբուրգում ծնված և ներկայումս Երևանում բնակվող Սվետլանա Սիդորովան, որպես bioroboty019 արվեստային խմբի անդամ, մշակել էր ինստալացիաներ, վիդեոներ և բիոարվեստի նախագծեր, որոնք գիտական գաղափարները վերածում էին հասանելի և ներգրավող տեսողական ձևերի։ Պարզությամբ և նուրբ հեգնանքով նա անդրադառնում էր կենսաբանության, շրջակա միջավայրի և սոցիալական համակարգերի բարդ թեմաներին՝ դրանք դարձնելով ընկալելի լայն լսարանի համար։

Նա ավարտել է ITMO համալսարանի Art & Science մագիստրոսական ծրագիրը։ Նրա նախագծերից էին՝ NO GROWTH (2021), որտեղ գենետիկորեն մոդիֆիկացված բակտերիաների միջոցով վերաիմաստավորվում էին աճի և սահմանափակման գաղափարները, Physarum Fortuneteller (2020), որը հետազոտում էր կենսաբանական և հաշվարկային վարքագծերի զուգահեռները, ինչպես նաև Border Fluid (2023)-ը, ներկայացված ԺԱԻ Երևանում, որն ուսումնասիրում էր ինքնությունների և աշխարհաքաղաքական սահմանների փոփոխականությունն ու հոսունությունը։ Նրա հանրային նախագիծը Mediations on Rivers and Canals (2022) գիտական հարցազրույցները վերածել էր փոդքաստների և Telegram բոտի՝ ընդլայնելով էկոլոգիական քննարկումների հասանելիությունը։

Արվեստ+Գիտություն զրույցի ընթացքում Սվետլանան ներկայացրեց մեդիա արվեստի պատմության անդրադարձ, իր ստեղծագործական ուղին, խոսեց կենդանի համակարգերի և գիտական հետազոտությունների հետ աշխատանքի մասին, ինչպես նաև քննարկեց, թե ինչպես կարող է արվեստը քննադատաբար անդրադառնալ մեր ժամանակի էկոլոգիական ու տեխնոլոգիական իրողություններին։

Միջոցառումն ավարտվեց ակտիվ երկխոսությամբ և մասնակիցների միջև գաղափարների փոխանակմամբ։