Արս Տեխնե × Ստուդիո 20 կոլեկտիվի արվեստի համատեղ կացարան

Վայրեր․ Երևան և Գյումրի, Հայաստան

Տևողություն․ 2–8 շաբաթ

Դիմումների վերջնաժամկետ․ ընթացիկ

Կացարանի ժամանակահատված․ շարունակական՝ 2026 թ․ ընթացքում

Ծրագրի մասին.

Նյութեղեննյ աշխարհներն հրավիրում է արվեստագետներին ուսումնասիրելու, թե ինչպես են աշխարհները ձևավորվում հարաբերությունների միջոցով՝ մարդկանց, տեխնոլոգիաների, էկոլոգիաների և նյութեղեն գործակալությունների փոխազդեցության արդյունքում, որոնք սահմանում են մեր համատեղ ապագաները։ Նոր մատերիալիզմի և հետտհումանիտար մտածողության շրջանակներում ծրագիրը նյութը դիտարկում է ոչ թե որպես պասիվ ֆոն, այլ որպես իմաստաստեղծ գործընթացի գործուն մասնակից։

Ծրագիրը ողջունում է այնպիսի արվեստային պրակտիկաներ, որոնք կենտրոնանում են նյութերի կենսունակության, կենդանի և անկենդան համակարգերի փոխառնչությունների, ինչպես նաև այն նուրբ ենթակառուցվածքների վրա, որոնց միջոցով աշխարհները զգացվում, կառուցվում և շարունակաբար փոխակերպվում են։ Կացարանը խրախուսում է փորձարարական մոտեցումները, քննադատական մտածողությունը և համագործակցային հետազոտությունը՝ որպես ձևեր պատկերացնելու, թե ինչպես կարող ենք այլ կերպ բնակեցնել մոլորակը՝ պատասխանատու, զգոն և համաստեղծ հարաբերության մեջ ավելի-քան-մարդկային աշխարհի հետ։

Կացարանի նկարագրություն.

Նյութեղեն աշխարհներն իրականացվում է Հայաստանի երկու քաղաքներում՝ Երևանում և Գյումրիում՝ ստեղծելով միջավայր, որտեղ մեդիա արվեստը, էկոլոգիական հետազոտությունը և հայեցողական ապագաների ուսումնասիրությունը համադրվում են։

Կացարանող արվեստագետները կունենան աշխատանքային ստուդիա, ցուցադրության տարածք և հանրային ներգրավման հնարավորություններ՝ զրույցների, աշխատարանների և համայնքային հանդիպումների միջոցով։ Մասնակիցները կարող են աշխատել կենսաբանական, թվային, սինթետիկ, արխիվային, ենթակառուցվածքային կամ հիբրիդ նյութերի հետ՝ ուսումնասիրելով փոխկախվածությունը, մարմնավորված գիտելիքը և էկոլոգիական զգայունությունը։

Կացարանն ինքնաֆինանսավորվող է․ մասնակիցները հոգում են ճանապարհածախսը, կացության ծախսերը, արտադրական բյուջեն, ինչպես նաև համեստ կամավոր կուրատորական ներդրումը, որն ապահովում է ծրագրի անկախ և ոչ առևտրային բնույթը։ Արս Տեխնեն և Ստուդիո 20 կոլեկտիվը տրամադրում են աշխատանքային տարածք, ցուցադրական աջակցություն, մենթորություն և կապեր Հայաստանի արվեստային միջավայրում։

Նյութեղեն աշխարհները նախատեսված է այն արվեստագետների համար, ովքեր ցանկանում են աշխատել հետհումանիտար, միջառարկայական և էկոլոգիապես հիմնավորված հետազոտական տարածքում, որը կարևորում է բաց գիտելիքը, քննադատական մտածողությունը և ավելի-քանի-մարդկային համագործակցությունը։

Կացարանի մեջ մտնում են`

• Աշխատանքային ստուդիա Երևանում կամ Գյումրիում (նաև կացարան Գյումրիում)

• Ցուցադրության տարածք՝ վերջնական ներկայացման համար

• Կուրատորական երկխոսություն և մենթորություն

• Աջակցություն տեղական ցանցերի, կապերի և համայնքների հետ աշխատելիս

• Ենթակառուցվածք՝ զրույցների, աշխատարանների և բաց ստուդիաների համար

• Ներգրավում Արս Տեխնեի` բաց գիտելիքի և էկոլոգիական պատասխանատվության սկզբունքներին

Մասնակցության պայմաններ.

Կացարանը գործում է կիսված պատասխանատվության մոդելով, որը պահպանում է ծրագրի անկախ և փոքրածավալ կառուցվածքը։

Մասնակիցները հոգում են․

• Ճանապարհածախսը և Երևանում կացության ծախսերը 

• Նախագծի արտադրական ծախսերը

• Համեստ կուրատորական ներդրումն՝ ուղղված ուղեկցմանը, համակարգմանը և համայնքային ծրագրավորմանը

Չկան ավարտված գործ ստեղծելու պարտադրանքներ․ գործընթացակենտրոն և հետազոտական աշխատանքներն ամբողջությամբ խրախուսվում են։

Կացարանի տևողությունը՝ 2–8 շաբաթ, համաձայնեցվում է անհատապես։

Ով կարող է դիմել.

Այն բաց է`

• Մեդիա արվեստագետների, հետազոտողների, միջառարկայական ստեղծագործողների համար

• Ցանկացած երկրի և կարիերայի որևէ փուլում գտնվող մասնակիցների համար

• Անհատների, դուետների կամ կոլեկտիվների համար

• Էկոլոգիական, պոստհումանիտար կամ նյութակենտրոն մոտեցումներով աշխատող արվեստագետների համար

Ակադեմիական կոչում չի պահանջվում։

Ընտրության չափանիշներ.

• Համապատասխանություն նյութեղեն աշխարհների թեմային

• Արվեստային/հետազոտական ուղղության հստակություն

• Էկոլոգիական և մշակութային համատեքստի զգայուն ընկալում

• Իրականացվելիության մակարդակը՝ առկա ժամանակի և ռեսուրսների շրջանակներում

• Պատրաստակամություն՝ երկխոսության, փորձարարության և համայնքային փոխանակման

• Հավատարիմ վերաբերմունք Արս Տեխնեի բացության, կայունության և հոգատարության արժեքներին

Դիմելու պահանջներ`

Խնդրում ենք ներկայացնել մեկ միասնական PDF․

• Նախագծի առաջարկ (1–2 էջ)

• Արվեստագետի հայտարարություն (250–400 բառ)

• Պորտֆոլիո (6–12 աշխատանք + կարճ նկարագրություններ)

• CV / կարճ կենսագրություն

• Նախընտրելի ժամկետներ

• Վայրի նախընտրություն՝ Երևան / Գյումրի / երկուսը

• Տեխնիկական կամ տարածքային պահանջներ

• Լրացուցիչ հղումներ (վեբկայք, տեսանյութ, փաստագրություն) — ըստ ցանկության

Դիմելու վճար չի պահանջվում։

Ինչպես դիմել.

Ուղարկեք ձեր դիմումը՝

info[at]arstechne.net

Խորագիր․ Mattering Worlds Residency Application – [Ձեր անունը]

Հարցերի կամ հաշմանդամության հարմարանքների հետ կապված պահանջների դեպքում խնդրում ենք կապ հաստատել մեզ հետ։ Մենք հանձնառու ենք հնարավորինս աջակցել մասնակիցներին՝ ըստ նրանց աշխատանքային և հասանելիության կարիքների։